袁伟豪（Benjamin）今日下午上载一条片到微博，透露因急性肠胃炎问题，要留院观察，原定喺内地出席慨活动要缺席，渠留言：“各位亲爱的粉丝们朋友，非常抱歉！今天身体因急性肠胃炎的问题，需留院治愈（愈），所以未能够到来跟大家见面，期待不久的将来我可以很快再跟大家见面。”
片中见到渠瞓喺病床上面，吊住盐水，个样望落去有啲攰。而日前渠先去咗滑水，仲喺社交网大晒英姿，唔少网民同粉丝都留言慰问，叫佢好好休息，忙于工作时都要注意身体健康。
Benjamin接受电话访问表示寻晚去咗饮宴同火锅聚会：“因为系食麻辣火锅，可能自己唔食得辣，就搞到唔舒服。而医生今朝巡房就话可能寻晚我食嗰啲嘢有啲细菌感染，因为都几急性，仲有呕添！（一向肠胃都唔好？）肠胃向来都麻麻，成日都会有啲胃气胀，所以容易就出现问题。”又表示视乎身体状况，倘若今晚情况可以，就会出院回家休息。另外，渠又指book咗嚟紧会出外旅游，亦会继续按计划出外。
赞赏
